Ашық ұйымдастырылған оқу қызметі

Бекітемін:….................

«Достық» б/б меңгерушісі

Ш.У.Ералимова

Білім беру саласы: «Шығармашылық»

Бөлімі: Мүсіндеу

Тақырыбы: «Әдемі торғай»

Мақсаты : құстың бөлшектерін дайындап, бөлшектерді бір-бірімен біріктіре алуды үйрету; құстар туралы білімдерін дамыту, саусақ икемділіктерін арттыру. Тілдерін дамыту. Саусақтың ұсақ бұлшық еттерін қозғалысын жетілдіру. Балаларды құстарға қамқорлық жасауға тәрбиелеу.

Қолданылатын көрнекіліктер, қажетті құрал -жабдықтар: құстар суреті, үлестірмелі материал, ермексаз, стектер,тақтайша,моншақтар,шемішкінің дәні сулық.

Алдын ала орындалатын жұмыс: құстар туралы әңгіме жүргізу.

Сөздік жұмыс: шырылдайды, гуілдейді, қаңқылдайды, қырылдайды шықылықтайды.

Билингвальді компонент: әдемі-красивый, торғай-воробей, қанат-крыло, ұя-гнездо

ҰОҚ барысы:

Балалар залға кіреді.

Шаттық шеңбер

Алтын күннің шуағы,

Бақыт үшін туады.

Қайырлы таң балалар!

Жарық күннің шуағы.

Тәрбиеші: Балалар,далада жылдың қай мезгілі?

Балалар: Күз.

Тәрбиеші: -Күз мезгілінде қандай өзгешіліктер болады?

Балалар: Күн суытады, жаңбыр жауады, жапырақтар түседі,құстар жылы

жаққа ұшып кетеді т.б.

Тәрбиеші:Балалар,бүгін көңіл күйлерің қандай?

Балалар: Жақсы.

Тәрбиеші: Менің де көңіл күйім өте жақсы,және сендермен өзімнің

мейірімімен,жылуымен бөліскім келеді. Кане алақандарыңды

тосайық бір-бірімізге.

- Алақандарың жылыды ма? Ал аналарың сендерді құшақтап,сипағанда жылуын силайды.

-Ендеше мен сендерге жұмбақ жасырайын:

Итпен бірге таласып,

Табаққа қонып қоймайды.

Білесің бе айта ғой,

Танисың ба? (торғайды)

Тәрбиеші:-Дұрыс, торғай.Бүгін біздер торғай туралы әңгімелесеміз.

-Айтыңдаршы көп құсты қайдан көруге болады?

(далада,паркте,орманда) Ал құстардың бәрі бар ма?

Балалар: жоқ, олар жылы жаққа ұшып кетті

Тәрбиеші:--Ал сендер серуенді жақсы көресіңдер ме?

Балалар: - Иә

Тәрбиеші: -Онда, мен сендерді саябаққа серуенге шақырғым келеді.

Бәрің жұптасып тұрыңдар,жолда адасып қалмайық.Ол үшін мына сиқырлы баудан ұстап алайық. (әуен ойнайды)

-Балалар, мынадай сиқырлы сөздерді айтайық:

1,2,3 повернись, в нашем парке окажись! (құстар дауысы фонограмма)

-Балалар, тындайықшы қандай әдемі дауыспен құстар әндетіп жатыр екен.

-Саябақ қандай әдемі,жапырақтардың түстері қандай?

-Мынау қандай ағаш?

Балалар: шырша.

Тәрбиеші: - Дұрыс шырша екен,шыршада қандай құс қонақтап отыр?

Балалар: Сауысқандар.

Тәрбиеші: дұрыс,сауысқандар ,нешеу екен? Қане санайық.

Балалар: 1,2;

Тәрбиеші: енді орысша 1,2;

-Балалар, жан жағымызға қарайық жапырақтар көппе? Түстері қандай?

Балалар: Сары.

Тәрбиеші:-Қараңдаршы, төменде қандай құстар бар кім біледі аттарын?

Балалар: Көгершіндер.

Тәрбиеші:- Нешеу ?

Балалар: екеу (орысша,қазақша санау)

Тәрбиеші:- Мына ағаштың жоғарысында қандай құстар бар?

Балалар: -Қарғалар

Тәрбиеші:-Кане неше қарға бар екен жоғарыда?

Балалар: үшеу (орысша 1,2,3)

Тәрбиеші:-Балалар мынау не ?

Балалар: Жемсауыт

Тәрбиеші: -Мында не отыр?

Балалар: Торғай.

Тәрбиеші:Торғай нешеу?

Балалар: Біреу (орысша- один)

Тәрбиеші: Балалар, жемсауыт не үшін керек?

-Дұрыс оларға қыста жем салып көмектесеміз.

-Ал мына торғай жалғыз болғасын көңілсіз болып, тонып отыр.

-Оған көмектесеміз бе? Жарайды оған достарын -тағы көп торғайларды мүсіндеп береміз бе?

-Енді тағы сиқырлы сөздерді айтайық: «1,2,3, повернись, в нашей группе окажись»

-Орындарымызға отырайық,қолдарымыз тонып қалды жылытып алайық.

(ысқылап жылыту)

(Қауіпсіздік ережесін еске алу,моншақ стек пен қалай жұмыс жасау керектігін)

-Балалар барлық құстарда не болады?

Балалар: 1)денесі,2)басы, 3)тұмсығы, 4)аяғы, 5)қанаты

Тәрбиеші: 1)Біріншіден үлкен кесекті алып одан жұмыртқа тәріздес сопақша жасаймыз.

2)екі бірдей кесек қалды 1-унен бас-домалақ; 2-нен қанатты домалатып жапырамыз да екіге бөлеміз.Денесіне басын қосып,және қанаттаррын қосамыз.

-Кане кішкене сергіп алайық.

Сергіту:

Шыр,шыр еткен торғайды,

Қорғамасақ болмайды.

Кіп кішкентай торғайлар,

Бақшамызды қорғайды.

Тас пен атып торғайды,

Ұя бұзған оңбайды.

Құс өкпелеп кетеді,

Бақшамызға қонбайды.

Енді не жетіспей тұр?

Балалар: көзі,тұмсығы

Тәрбиеші: -Дұрыс айтасыңдар, көздерін моншақтан,тұмсығын шемішкінің дәнінен жасаймыз.

-Құстарымыз әдемі торғаларға ұқсайды ма?

Балалар: Иә, өте әдемі.

Тәрбиеші: Енді мына көңілсіз торғайдың қасына қосайық,олар бірге көңілді болып жүрсін,қараңдаршы көп достары бар.

-Сендер торғай туралы тақпақтар білесіңдер ме? Кім айтып береді?

Арсен: Скачет,скачет воробей,

Кличет маленьких детей.

Киньте крошек воробью,

Я вам песенку спою:

Чик-чирик!

Аз қимылды ойын: «Торғайлар мен мысық»

-Балалар бүгін біздер қайда бардық? (саябаққа)

-Сендер қандай құстарды кездестірдіңдер?

Балалар: сауысқан,көгершін,қарға,торғай.

Тәрбиеші: оларды қандай құстар деп атаймыз?

Балалар: Қыстайтын.

Тәрбиеші:-дұрыс,оларға қыста біздер қамқорлық көрсетеміз,нанның қиқымын жинап береміз. Бүгін өте жақсы еңбектендіңдер,рахмет.Бәріміз қандай торғай мүсіндедік?

Балалар: «Әдемі торғай». Балаларды мадақтау.

Тәрбиеші:- Ендеше, қонақттар мен қоштасайық

«Көріскенше күн жақсы, сау саламат болайық!»