Ашық сабақ тақырыбы Ақымақ қасқыр

Білім беру саласы: «Қатынас»

Оқу -іс әрекеті: Көркем әдебиет.

Сабақтың тақырыбы: «Ақымақ қасқыр» ертегісі



Мақсаты: Оқу-іс әрекетінде ақымақ қасқыр ертегісінің үзіндісіне тоқтала отырып бүлдіршіндердің қызығушылығын ояту. Сөздік қорын молайту, тіл байлығын дамыту, есте сақтау, дүние танымын кеңейту.

Әдіс -тәсілдер: Сұрақ -жауап, әңгімелесу,сахналау, ойын, сергіту, мадақтау, қорытындылау.

Көрнекіліктер: Суреттер, атрибуттар, кубик.

Сабақтың барысы: Балалардың сабаққа дайындығын тексеру.

Шаттық шеңбері: Бәріміз енді тұрайық

Үлкен шеңбер құрайық

Жақсы-жақсы сөздерді

Қонақтарға сыйлайық

Табиғат біздің анамыз

Табиғатқа баламыз

Иіліп сәлем береміз

Біз әдепті баламыз

-Балалар қазір далада қандай мезгіл?

-Күз айларын атап беріңдерші?

-Қазір күздің қай айы?

-Бір аптада неше күн?

Бүгін аптаның қай күні?

Ал, қазір балалар, белгілер арқылы екі орталыққа бөлінеміз.Қатынас және шығармашылық орталығы.

-Балалар қазір бізде көркем әдебиет сабағы. Көркем әдебиеттен сендер көптеген ертегілермен таныстыңдар . Мынау не, балалар? Бұл текше осы текшенің көмегімен өткен ертегілерді еске түсірейік.

Балалар кубикті лақтырып суреттегі ертегілерді атайды.

«Мақта қызбен мысық», «Шаруа мен аю», «Түлкі мен торғай», «Бауырсақ», «Әтеш мысық және түлкі», «Қарлығаштың құйрығы неге айыр».

-Өте жақсы.

Балалар, мына сурет арқылы жұмбақ шешейікші.

Ит сияқты пішіні

Ұнатпайды ол кісіні

-Дұрыс ,қасқыр

Қасқыр дегеніміз не?

-Ол жыртқыш аң

Ол қайда жүреді?

-Ол орманда тіршілік етеді

Ол немен қоректенеді?

-Ол етпен қоректенеді

-Өте жақсы, балалалар.

Кім маған қасқыр сөзін үш тілде айтып береді

-Қасқыр-волк-wolv.

Қазір біз сендермен осы қасқыр туралы «Ақымақ қасқыр» ертегісімен танысамыз. Сурет бойынша ертегіні әңгімелеп беру.

-Балалар , осы ертегіде қандай сөздер түсініксіз болды.

Өріс- Мал жайылатын шөбі мол кең дала

Жылы-жұмсақ- семіз, еті тіске жұмсақ.

Сұрақтарға жауап беру.

1. Ертегі кейіпкерлерін атаңдар.

2. Қасқыр қандай жағдайда болды?

3. Қой қасқырды қалай алдап кетті?

4. Ешкі қалай алдап кетті?

5. Ертегі қалай аяқталды?

-Балалар қой мен ешкі жыртқыш аң ба?

-Жоқ, қой мен ешкі үй жануарлары.

-Дұрыс

Қой мен ешкінің төлін қалай атайды?

-Қозы мен лақ

Ал,балалар қой,ешкі, қасқыр туралы мақал- мәтелдер,жұмбақтар білесіңдер ме?

«Қонақ қойдан жуас», «Семіз қой түстен кейін маңырайды», «Таңбасыз тай енсіз қой болмайды», «Ешкі жейді ебелек, ешкіні жейді кебенек», «Қасқырдың аузы жесе де қан, жемесе де қан», «Қасқырдың ойлағаны арамдық, қойдың ойлағаны амандық»

Секен-секен етеді,

Таумен тасқа жетеді. Кішкене ғана бойы бар

Айналдырып киген тоны бар

-Өте жақсы.

Сергіту сәті: ән «Қошақаны қойдың»

Ал, енді осы ертегідегі қойдың,ешкінің, қасқырдың сөдерін айтып беріңдірші.

-Тамаша, балалар.

Ал, енді балалар осы ертегі кейіпекерлері болып ертегіні сахналап көрсетейік.

-Тамаша, балалар казір мен сендермен вен диаграммасы арқылы кейіпкерлердің ұқсастықтарымен, айырмашылықтарын тапқым келіп тұр.

Ұқсастығы: жануар,еркек және ұрғашы, ертегілерде кездеседі,

Айырмашылығы: үй жануары, жыртқыш, етпен, шөппен қоректенеді,пайдасы көп, қолда өспейді,

Шеңберге тұру. Шығармашылық ортада балалар не істедіңдер? Қағазды жырту арқылы қойды жапсырдық ал қатынас орталығында балалар қандай ертегімен таныстыңдар? «Ақымақ қасқыр » ертегісімен таныстық

-Өте жақсы, балалалар, сендер сабаққа жақсы қатыстыңдар

- Ал енді, балалар, бәріміз қонақтармен қоштасайық.

Қол ұстасып тұрайық,

Шеңберді біз құрайық.

Көріскенше күн жақсы ,

Cау-саламат болайық

МКҚК №2 балабақша

Ересек «А» тобында

қатынас орталығында өткен ашық сабақ

тақырыбы: «Ақымақ қасқыр» ертегісі

Өткізген тәрбиеші:

С.А.Рустемханова

2015-2016 оқу жылы

Ақсу қаласы

2016-2017 оқу жылына арналған жылдық жоспар.Қыркүйек

«Бала тілі бал»

Тақпақтар, ертегі сахналау, мақал-мәтелдер арқылы балалардың тілдерін жаттықтыру, ой-өрісін кеңейту.

Қазан

«Үй жануарларын білесің бе?»

Үй жануарлары туралы білімдерін кеңейту.Олар жөнінде тақпақ, өлең айтқызу. Қамқорлық жасатуға тәрбиелеу.

Қараша

«Жасырылған аңды тап»

Жан-жануарлардың дауысын,қимылын жасап, оны тани білуге үйрету.

Желтоқсан

«Бізге қыс ұнайды»

Қыс мезгілі туралы білімдерін кеңейту.тілдерін, сөздік қорларын молайту.Қыс мезгінің сұлулуығын тамашалай білуге тәрбиелеу.

Қаңтар

«Менің сүйікті ойыншығым»

Ойыншықтар туралы мағлұмат беру.Ойыншықтардың түрлерімен таныстыру. Ол туралы ән, тақпақтар айтқызу.

Ақпан

«Кім қайда істейді?»

Мамандықтар туралы білімдерін кеңейту. Сурет бойынша әр мамандық туралы әңгімелей білугеүйрету. Тақпақтар айтқыза отырып тілдерін дамыту.

Наурыз

«Анама сыйлық»

Ана туралы тақпақтар, өлеңдер айтқызу. Сыйлық жасап анаға деген сүйіспеншіліктерін ояту.

Сәуір

«Құс ұясын бұзбайық»

Құстар туралы білімдерін кеңейту. Тақпақтар, ертегі сахналау арөылы тілдерін дамыту. Құстарға қамқорлық жасауға тәрбиелеу.

Мамыр

«Ананың көңілі балада»

Ата -анамен бала арасындағы қарым-қатынасты күшейту.