Сабақтың тақырыбы: Түстер. Шағын орталық

Сабақтың тақырыбы:

Түстер.



Сынып:

Естияр тобы, мектепке дейінгі шағын орталық.



Сабақтың түрі:

Жаңа сабақ.



Көрнекілік:

«Түстер» тақырыбындағы мазмұнды суреттер.



Мақсаты:

Білімділік: тақырып бойынша түсінік беру, жаңа сөздермен танысу. Сөздік қорын молайту. Сөздерді, сөз тіркестерді сөйлемде дұрыс қолдануға үйрету. Сұрақтарға жауап беруге дағдыландыру. Жолдан өту ережесін еске түсіру.

Дамытушылық: ауызекі сөйлеу тілін, ой-өрісін дамыту.

Тәрбиелік: Өмірді, табиғат көрінісін бағалай білуге тәрбиелеу.



Оқушы нені білу тиіс:

«Түстер» тақырыбы бойынша сөйлей білу. Осы тақырып бойынша өтетін сөздерді, сөз тіркестерді сөйлемде дұрыс қолдана білу. Қойылған сұрақтарға дұрыс жауап бере алу.



Оқушы нені игеруі қажет: Қазақ тіліне тән ерекше дыбыстарды, жаңа сөздерді, сөз тіркестерді дұрыс айтуға, суретті бояуға дағдыландыру.



Сабақтың барысы.



Ұйымдастыру кезеңі:

- Сәлеметсіңдер ме, балалар.

- Сәлеметсізбе!

- Сабақты өлеңнен бастаймыз.

Кел, бала, сабақ баста!

Жаз, оқы, сөйле, тыңда!

Айт, зертте, тексер, сұра!

Шаршама да, демалма!

Қазақ тілін үйренсең,

Көп ұтасың сен ертең!

-Балалар, бүгінгі сабақтың мақсатымыз: жаңа сөздермен танысу, түстерді білу. Сөйлеу тілін дамыту.

-Енді, балалар, келесі менің сұрақтарыма жауап беріңдер. Бір жылда неше жыл мезгілі бар?

-Бір жылда төрт жыл мезгілі бар.

-Бір жылда неше ай бар?

-Бір жылда он екі ай бар.

-Бір апдада неше күн бар?

-Бір аптада жеті күн бар.

-Қазір жылдың қай мезгілі?

-Қазір жылдың көктем мезгілі.

-Қазір көктемнің қай айы?

-Қазір сәуір айы.

-Бүгін аптаның қай күні?

-Бүгін аптаның сәрсенбі күні.

-Ертең аптаның қай күні?

-Ертең аптаның бейсенбі күні.

-Кеше аптаның қай күні болды?

-Кеше аптаның сейсенбі күні болды.

-Біздің Отанымы қандай мемлекет?

-Менің Отаным - Қазақстан.

-Қазақстан қандай мемлекет?

-Қазақстан - тәуелсіз мемлекет.

-Елбасы кім?

-Елбасы - Нұрсұлтан Әбішұлы Назарбаев.

-Мемлекеттік тіл қандай тіл?

-Мемлекеттік тіл - қазақ тілі.



Бой сергіту.

Көктем келді.

Көктемде күн жылы,

Адамдар қысқы киім шешеді,

Құстар ұшып келеді,

Жаңбыр жауады,

Гүлдер өседі.



Сабақтың негізгі бөліміне дайындалу:

-Балалар, бүгінгі сабақтың тақырыбы «Түстер».Түстер туралы не білесіңдер? Қандай түстер болады? Әр затта өз түсі бар.



Сабақтың негізгі бөлігі:

- Бүгін біздің сабағымызға қонақ келді. Бұл Жас суретші. Ол бізді түстер әлемімен танысып өтеді.

- Қараңдар, ол бізге сурет салып келді. Бұл не?

-Қызанақ.

-Қызанақ қандай? (қызыл). Тағы да қызыл түсті бізде не бар?

- Ал мынау не? ... (осы түрде қара, ақ, көк, жасыл, көгілдір, қоңыр, сары, қызыл сары түстермен танысу).



-Жұмбақ жасыру:

Ағайынды бәрі:

Шықса көк, түссе сары. (Жапырақ)



-Фонетикалық жаттығу.

-қо, -қо, -қо -қоңыр

-қы, -қы, -қы - қызыл

-қа, -қа, -қа - қара



-Жақсы. Шаршаған шығарсыңдар. Тынығып алайық. Орнымыздан тұрамыз. (сергіту сәті)

Орнымыздан тұрамыз.

Қолды белге қоямыз.

Басты оңға бұраймыз.

Басты солға бұраймыз.

Бір отырып, бір тұрып,

Біз демалып аламыз.



- Жақсы, орнымызға отырамыз. Балалар, сендер қалай ойлайсыңдар, түстер бізге керек пе? Не үшін керек?

- Ал жолдан өтуге ол бізге қалай көмектеседі? Мынау не? (бағдаршам). Ол қалай істейді?



- Жарайсыңдар, енді «Жолдан өту» ойнын ойнайық. Мен сендерге қызыл түсті көрсетсем, сендер тұрасыңдар, қызыл сарыны көрсетсем - дайындалып тұрасыңдар, ал жасылды көрсетсем - орындарыңызда тұрып жүресіңдер.



-Жақсы, ал енді, балалар, сендердің түсінігін тексеру мақсатында біз келесі тапсырманы орындаймыз: мен сендерге түссіз суретті беремін, сендер оны мен айтқан түспен бояйсыңдар. Бірақ алдымен қолдарымызды дайындап қояйық:

Оң қолымда бес саусақ,

Сол қолымда бес саусақ.

Алақанды ашамыз,

Бесті беске қосамыз.



Қорытынды:

-Балалар, сабақ барысында жақсы жұмыс істедіңдер. Сендерге көп рахмет. Сабақ аяқталды. Сау болыңдар.