Ашық сабақ 'Менің сүйікті үй жануарым'

Ұйымдастырылған ашық оқу іс-әрекеті

Білім беру саласы: «Қатынас». Білім бөлімі: «Тіл дамыту» Тақырыбы: «Менің сүйікті үй жануарым». Мақсаты:

1) Білімділік: Балалардың үй жануарлары туралы түсініктерін тереңдету. Олардың түрлерін бір-бірінен ажыратуға ,төлдері туралы білімдерін бекіту.

2) Дамытушылық:Үй жануарларына байланысты тақпақ,мақал-мәтелдерді қайталай отырып,сұрақ-жауап арқылы,тіл байлығын дамыту.Балаларды өз пікірлерін айта білуге үйрету.

3)Тәрбиелік мәні:Үй жануарларына қамқорлық жасауға тәрбиелеу.

Көрнекілік:Үй жануарларының суреттері,жайлаудың суреті,макет.

Әдіс-тәсілдер:түсіндіру,көрсету, дидактикалық ойындар.

Жаңа сөздер: кісінейді,мөңірейді,маңырайды,айтыс.

Дайындық жұмыс:үй жануарларымен танысу,пайдасы туралы әңгімелесу,мақал-мәтелдер үйрету.

1.Ұйымдастыру бөлімі.

Сәлемдесу.1-ші бала.

Білер қазақ баласы, Салем сөздің анасы. Алдымыздан кезіккен Көп танысты көреміз Бәріне де ізетпен Біздер сәлем береміз.Сәлем-сөз анасы демекші балалар,төрде отырған апайлармен амандасайық.Кәне бәріміз бірге Сәлеметсіздер ме?

Шаттық шеңберін Орнымыздан тұрып шаттық шеңберін жасайық. Қане,қане тұрайық, Үлкен шеңбер құрайық. Тұрсақ егер шеңберге, Алақанды ұрайық. Оң жақтағы балаға, Сол жақтағы балаға, Шапалақ-та,шапалақ.

Жылулық шеңбері:1-2 минут көздерін жұмып,өздерін тағы да,көк майса шалғында жатып,көк аспанды көріп,құстардың сайраған әнін,судың сыбдырын естіген кездерін елестетуді ұсынамын.

Балалар, мен сендерге жайлауға саяхатқа шығуды ұсынамын.Бұрын біздің ата бабамыз жайлауға атпен ,түйеге жүк артып шыққан.Қазіргі заманда басқа да көліктерді пайдалануға болады. Ал қазір біз сендермен жайлауғам поездбен барамыз. Ендеше балалар бәріміз біріміздің артына біріміз тұрып пойыз болып жүріп орнымызға барайықшы пойыз боп жүргенде түзу, әдепті болып жүру керек екен. Кәне, орнымызға жеткенше «Пойыз» өлеңін айтып барайық.
Ал, паравоз, баста алға,
Бәрімізді басқар да!
«Пш - пш, пш - пш!»- біз кеттік,
Жүрісті біз үдеттік.
Гу - гу, гу - гу, гуілде
Қалып қойма біріңде,
«Пш - пш, пш - пш!»- біз кеттік,
Жүрісті біз үдеттік.
Міне, балалар орнымыза да жетіп қалдық. Ендеше айдай арайлан, күндей жайнап, жұлдыздай жарқырап, судай мөлдір таза көңілмен бүгінгі іс әрекетімізді бастайық

-Балалар қазір жылдың қай мезгілі? -Ауа-райы қандай? -Неше жыл мезгілі бар? -Қыста неше ай бар? Балаларлардың жауабы: -Қыс

-Суық,аяз,боран

-Төрт

-Үш желтоқсан,қаңтар,ақпан.

2-ші бөлім.Әңгімелесу сұрақ-жауаптар.

Тәрбиеші саяхатқа қайда келдік?

Балалар:Жайлауға.Міне бір үй тұр .Бұл қандай үй?

Киіз үй Тәрбиеші:Мен көрейін үйде кім барын, ешкім жоқ.Қоржын, ішінде хат жатыр Сұрақ-жауап. 1-ші тапсырма жұмбақ жасыру.

Балалар мен сендерге жұмбақ жасырғым келіп отыр,шешуін табасыңдар ма?

Басында екі таяғы бар

Адам деуге болмайды сақалы тағы бар.

(ешкі)

2) Кезікті бір жануар,

Үстінде екі тауы бар.Ол не? (түйе)

3)Кішкене ғана бойы бар,

айналдырып киген тоны бар.

(қой)

4) Бір шыбыртқасы бар.

Екеу елеңдеп келеді

Төртеу төбелесіп келеді. (жылқы)

Түйе, жылқы, сиыр, қой, ешкі - адамға пайдасы өте көп. Балалар, осы малдар адамға не береді?

Сүт, ет, жүн.

Түйенің сүтінен не жасалады?

(Шұбат)

Жылқыныі сүтінен не істеледі?

(Қымыз)

Сиырдың, қойдың, ешкінің сүтінен не жасалады?

Май, құрт, айран,ірімшік.

Қой, ешкінің, түйенің жүнінен не жасайды?

Жіп, киім тоқиды, көрпе жасайды.

Төрт түлік туралы айта кету керек.Жарайсыңдар!

Төрт- түлік туралы жырлар.

1-ші бала Түйе байлық

Қой - мырзалық

Ешкі -жеңілдік

Жылқы сәндік

Сиыр-тоқтық

2-ші тапсырма д/ойын.: «Кім қалай дыбыстайды?»

Сиыр-мө-мө,Қой,ешкі-мә-мә.Түйе-бе-бе,жылқы-е-е.

Тәрбиеші:өте жақсы.Енді тыңдаңдар малдың дыбыстағанын былай деп атайды.

Жылқы-кісінейді

Сиыр-мөңірейді

Қой,ешкі-маңырайды

Түйе-боздайды.

Бәріміз осы сөздерді ұғып жаттап алайық.

3-ші тапсырма. Сергіту сәті.

Төрт-түлік мал туралы мақал-мәтелдер айту.

1.Жылқы малдың- патшасы

Түйе малдың- қасқасы

2. Мал өсірсең,қой өсір

Өнімі оның көл-көсір

3. Түйе малдың үлкені

Жылқы малдың үркегі

Сыйыр малдың-сүттісі

Қой-түліктің құттысы.

4.Малды баға біл

Бабын таба біл

Өте жақсы.

Д/ойын:

Ережесі.Екі суреттің бір сыңарын көрсетіп немесе тақтаға іліп,екінші сыңарын шақырған бала тауып қатарына қояды.Содан соң ілген бала төлдің атын айтып отырады.

Тәрбиеші: Біз бүгін төрт-түлік малға жататын үй жануарларымен таныстық. Не жатады екен?

Енді осы төрт -түлік малға арналған тақпақтар айта кетейік.

Тақпақтар.

1.Шөре-шөре,лағым,

Тентек болма,шырағым.

Секектеме деміңді ал

Селтеңдемей құлағың.

2.Әукім-әукім,әукешім

Қасиыншы әукесін.

Енең әне келеді,

Ақ мамасын береді.

3.Қара көзің мөлдіреп

Қызықтырмай қоймайды,

Жібек жүнің үлбіреп,

Қарасам көз тоймады

4.Кіп-кішкене момақан

Қошақанды ұнатам

Сүйеді анам «қозы» деп

«Қошақаным»өзін деп

5.Құлын-құлын,құлыншақ

Желкілдейді тұлымшақ

Маңдайында жұлдызы

Құйрығында құндызы

Біз сахатқа қайда келіп едік?

Жайлауға.

Осы тапсырмалардың бәрін шопан атамыз жазыпты,сендерге тәтті ала келіпті.Ал енді саяхатымызды әнмен аяқтаймыз. «Жазда апамның аулына»

Тәрбиеші: Балалар біз бүгін сабақта қазақ халқының салт-дәстүрімен,төрт-түлік мал туралы білімдерімізді дамыттық,сонымен төрт-түлік малға не жатады екен?

Жылқы,сыйыр,қой-ешкі,түйе.

Тәрбиеші: Қандай жаңа сөздермен таныстыңдар?

Балалар: Кісінейді,мөңірейді,боздайды,маңырайды.

Тәрбиеші: Өте жақсы, осымен сабағымызды аяқтап,шопан ата берген тәттімізді таратып,жеп поездбен тобымызға қайтайық.