Жаратылыстану пәнінен сабақ жоспары Жануарлар әлемі

Күні:

Бөлімі:Жаратылыстану

Сабақтың тақырыбы: «Жануарлар әлемі».

Сабақтың мақсаты: 1. Жануарлар тірі табиғаттың негізгі бөлігі, олардың да алуан түрі бар екені туралы түсінік қалыптастыру, жануарлардың негізгі топтарымен ( үй жануары, жабайы және сүтқоректілермен) таныстыру.

2. Жануарлардың құрлықта, суда, құрлықта да, суда да тіршілік ететіндігін, олардың әрқайсысының өз икемделген тіршілік ортасы барын аңғарту.

3. Жануарларға қамқорлық көрсету жайында сөйлесе отырып, оларды қорғауға тәрбиелеу. Экологиялық тәрбие беру.

Сабақтың түрі: Жаңа сабақ

Сабақтың типі : Интерактивті

Көрнекілігі: 1) Интерактивті тақта, слайдтар

Сабақтың өтілу барысы:

I. Ұйымдастыру кезеңі.

Амансың ба Алтын күн?

Амансың ба Көк аспан?

Амансың ба достарым?

Сендерді көрсем қуанам!

Бүгін "Жануарлар әлемі" тақырыбымен танысамыз.

- Балалар, сендердің жануарлар туралы білгілерің келе ме?

Ендеше жұмбақтар шешейік

Тарғыл-тарғыл тас па,

Тастан бірақ басқа

Мекені қамыста,

Бұл саған таныс па?

Қорықпайды күшті аңнан,

Қорқады тек тышқаннан.

Есек құлақты,

Мысық аяқты.

Түйе ерінді,

Ешкі құйрықты.

Айбарлы түрі бар,

Қанжардай тісі бар,

Тұла бойында

Тасыған күші бар

Күжірейген жалды.

Білсең айт бұл аңды.

Халық «қу» деп,

Қылған күлкі

Айласы көп

Бұл не?

Кезікті бір жануар,

Үстінде екі тауы бар.

Еріксе,құйрығымен ойнайды,

Зеріксе,ұйқыға тоймайды.

Бейқам елді іздейді,

Малдан күдер үзбейді.

Өріске барады ешкідей,

Өрістен қайтқанда бөшкедей.

Кішкене ғана бойы бар,

Айналдырып киген тоны бар.

Суреттегі жануарларды атату.

Әр топқа жеке слайдтар көрсетіліп, ерекшеліктерін түсіндіремін.

Құстар-8600 түрі бар.Айырмашылығы ұшады.

Балықтар.

Балықтардың 20 000 түрі бар. Олардың айырмашылығы жүзеді.

Қосмекенділер.

Қосмекенділердің-4000 түрі бар. Олардың айырмашылығы құрлықта да, суда да тіршілік етеді.

Жорғалаушылар.

Жорғалаушылардың - 8000 түрі бар. Олардың айырмашылығы бауырымен жорғалайды.

Жәндіктер.

Жәндіктердің - 700 000 түрі бар.

Сүтқоректілер

Сүтқоректілердің - 5000 түрі бар.

Олардың айырмашылығы балаларын өз сүтімен асырайды.

Сергіту сәті

Ауыл маңы саз,саз,саз.

Жайылады қаз,қаз,қаз.

Жем шашсаң мәз, мәз, мәз.

Тоймай қалса қаз, қаз, қаз.

Шашқан дәнің аз, аз, аз.

Дәптермен жұмыс

Дәптерге жануарлардың суреттерін салдыру.

«Жануарларды тап» ойынын ойнату.

Өсімдіктер мен жануарлардың ішінен жануарлар кездескенде қол шапалақтау.

Сабақты бекіту, жүзім ағашынан сұрақтарға жауап беріп отырып, жүзімдерді жинау.