Казахский язык 10 класс Наурыз

Қысқа мерзімді сабақ жоспарыПәні

Қазақ тілі мен әдебиет

Мектеп 7

Сабақ: Мейрам және салт дәстүрлер Т2

Күні

19.03.2016 жыл

Мұғалімнің аты - жөні:

Самарханова Айжан Толегеновна

Сынып 10

Қатысқандар:15

Қатыспағандар:

Осы сабақ арқылы жүзеге асатын оқу мақсаттары

Мәтіндерден (мақала, сұхбат, аудиовизуалды материал) үзінді тыңдайды, сөз тіркестері мен терминдердің мағынасын түсінеді, негізгі ақпаратты анықтайды.

Сабақ мақсаттары

Барлық оқушылар орындай алады:

Мәтінді тыңдай алады, сөз тіркесі мен терминдерінің мағынасын түсінеді, жалпы ақпаратты анықтай алады.

Оқушылардың көпшілігі орындай алады:

Қысқа, қарапайым мәтінді түсінеді, сұраққа жауап бере алады, таныс тақырыптар бойынша әңгімелей алады.

Кейбір оқушылар орындай алады:

Негізгі ақпаратты анықтай алады, өз ойын айтады

Тілдік мақсат

Оқушылар орындай алады:

Мәтінге сәйкес тапсырмаларды орындайды

Пәндік сөздік қор мен терминдер:

Дәуір, қолдау, қылт ететіні, құшақ жая, игі.

Талқылауға арналған сұрақтар.

Наурыз мейрамын қашан тойлайды?

Наурыз мейрамында қандай тағам пісіреді?

Наурыз мейрамында қандай өзгерістер болады?

Мектепте наурыз мейрамы тойлана ма?

Сен наурыз мейрамын қалай қарсы аласың?

Пәнаралық байланыс

Алдыңғы оқу:

«Қазақстандағы мейрамдар мен дәстүрлер» тақырыбы бойынша наурыз мейрамы туралы «Карусель» стратегиясы арқылы білімдерін тексеру.

жоспар

Жоспарланған уақыт

Жоспарланған жаттығу түрлері

Ресурстар

Басы

Сабақ мақсаттарын бірлесіп қою.

Топқа болу: ленточка арқылы оқушыларды 3 топқа бөлу:

Әр топ ішінара бөлінеді:

1 бала -- талқы себепшісі

2 бала - белгілеуші

3 бала - байланыстырушы

4 бала - қорытындылаушы

Мәтін

Наурыз туралы ақпарат

www.kazakhstan</. Orexca. Com/nauryz.shtml

Ортасы

5 минут

20 минут

10 минут

Мәтінді тыңдайды.

Мәтін: Наурыз мейрамы

Наурыз мерекесі әлемнің ең көне мерекелерінің бірі. Орта Азия халықтарында бес мың жыл бойы аталып өтілуде. "Наурыз" сөзі парсы тілінен аударғанда "Жаңа күн" деген мағынаны береді.

Бұл мереке Ислам дәуіріне дейін тойланып, халық арасында ерекше қолдауға ие болып келеді.

Наурыз мерекесінің туу тарихы турасында талас көп. Көбі ел аузындағы аңызға жүгінеді. Аңыздың өзі сан алуан. Дегенмен, аңыздың түбінен ақиқаттың бір ұшы қылт ететіні рас... Кейбір ғалымдар бұны зороастризм кезеңіне дейінгі уақытпен байланыстырады. Кейбіреулер Парсы патшасының жорықтарымен байланыстырып жүр.

Ежелгі жыл санағы бойынша, 22 наурызда күн мен түн теңеледі. Наурыз - жылдың бірінші күні, жыл басы, көктемнің алғашқы айы. Наурыз мерекесін қазақ халқы «Армысың, Әз Наурыз», «Әз болмай, мәз болмас» деп қарсы алған.

Наурыз мейрамы - діни мереке емес. Бұл қалың қыстан аман-есен шығып, күн нұрына бөленіп, жаңа жылды қарсы алу мерекесі. Наурыз мерекесінде көріскен жандар бір-бірін құшақ жая қарсы алып, игі тілектер айтады. Қазақ халқы бұл күні дүниеге келген қыз балаларға Наурыз, Наурызгүл, Наурызжан, ер балаларға Наурызбай, Наурызбек, Наурызхан деген есім берген.

1926 жылдан бастап, тоталитарлық жүйенің ықпалымен наурыз мерекесін тойлауға тыйым салынды. Көп жылдар бойы ұмытылып, сынын жоғалтқан мереке 1988 жылдан бері қайта жаңғырып, Наурыз мейрамын тойлау дәстүрі өз жалғасын тапты.

Наурыз мерекесі 1991 жылы, 15 наурызда Қазақ СР Президентінің қаулысының негізінде мемлекеттік мәртебеге ие болды. Елбасы наурыз айының 22 жұлдызын "Наурыз мейрамы" деп жариялады. Ал 2009 жылдың 24 сәуірінде ҚР Президенті Н. Ә. Назарбаев наурыз айының 21, 22, 23 күндеріне "Наурыз мейрамы" деген атақ берді

Барлық оқушы мәтінді оқып шығады.

Әр топ мүшелері тапсырма алады:

1 бала талқы себепшісі «Көршінді шақыр» ойыны арқылы (мәтіннің ішінен таныс емес сөздерді тауып, сөз тіркесін, сөйлем құрастырады, мағынасын түсіндіреді) (білу, тану. Блум таксономиясы)

Мәтін тыңдай отырып, мәтіннің бөліктерімен жұмыс жасайды. Белгілеуші жеке жұмыс жасайды, негізгі идеясын түсінеді, салыстырады. (Венн диаграммасы)

Байланыстырушы бұрынғы наурыз мейрамын қазіргі өмірдегі наурыз мейрамымен не байланыстыратының анықтайды, мазмұндай алады, (7 тағамнан наурыз көже пісіріледі, сәнді киінеді, бір-біріне қонаққа барады, алтыбақан тебеді т.б.). (қолдану. Блум таксономиясы) басқа топқа барады.

Топтық жұмыс. 4 бала қорытындылаушы

(Топпен жұмыс жасайды, қорытындылаушы сөйлейді)

Мәтін аудиовизуалды материал арқылы тыңдалады.

Мәтін топқа беріледі

Джегсо стратегиясы

Балық қанқасы

рефлексия

2 мин

Сары жапырақ - толық түсінген жоқпын

Жасыл жапырақ - түсіндім

Қызыл жапырақ - түсінген жоқпын

Қосымша ақпарат

(Бағалау. Блум таксономиясы)

«3» мәтінді түсінеді, таныс емес сөздерді таба алады, мәтінмен жұмыс істей алады.

«4» мәтінді түсінеді, таныс емес сөздерді таба алады, мәтінмен жұмыс істей алады, сұраққа жауап бере алады, мәтіннің идеясын түсінеді.

«5» мәтінмен жұмыс істей алады, мәтіннің негізгі идеясын түсінеді,

өз көзқарасын айта алады.

Балалар кері байланыс береді

Үйге тапсырма

Наурыз тақырыбына ақпарат дайындап келу

Балаларға күнделікке жазып алады.