Тренинг «Арнайы білім берудегі М. Монтессори педагогикасының балаларға айналадағы заттық орта туралы түсініктерін қалыптастыру» тақырыбы: «Таң қалмаңыз»

Облыстық балалар оңалту орталығының

ІІ санатты дефектолог маманы

Менлибаева Майра Баймагамбетовна

Тренинг

«Арнайы білім берудегі М. Монтессори педагогикасының балаларға айналадағы заттық орта туралы түсініктерін қалыптастыру»

Тақырыбы: «Таң қалмаңыз»

Мақсаты: а) Білімділік: Балаларға судың қасиеті туралы түсінік беру.

Балаларды ұжымдық шараларға қатысуға,

педагогтың ұсынысы мен талабын тындай,

түсіне білуге және оны орындауға үйрету.

ә) Түзете - дамытушылық: Балалардың зейінін, ойлау және есте

сақтау қабілеттерін, жалпы және ұсақ қол

қимылдарын дамыту. Сөздік қорларын молайту,

эксперимент пен зерттеуге қызығушылығын

арттыру.

б) Тәрбиелік: Балалардың бір-бірімен жылы қарым-қатынастыққа

тәрбиелеу.

Ұқыптылыққа, тазалыққа, жинақылыққа, ойын- тапсырмалар арқылы балаларды өз бетінше жұмыс істеуге тәрбиелеу.

Көрнекі-құралдар: компьютер

Көрнекіліктер: ыдыстар, ойыншықтар, слайд, суреттер

Әдіс - тәсілдер: Қызығушылықты ояту, ой қозғау, сұрақ - жауап, көрсету, түсіндіру.

Тренинг ережесін қабылдау:

1. Жұмыс барысында тыныштықты сақтаймыз.

2. Жұмыс аяқталған соң орын жинастырамыз.

3. Достық қарым-қатынасты сақтап бір-бірімізге көмектесу.

Тренинг барысы:

І. Ұйымдастыру кезеңі: «Сылдырлайды сылдырмақ»

Балалар бірінің артына бірі тұрып, шеңбер бойымен жүреді, музыкамен залға кіреді.

«Бір сызықтың бойымен жүру»

ІІ. Психологиялық сәт

Жылулық шеңбері:

• Балалар бір-біріміздің қолымыздан ұстап үлкен шеңбер жасайық.

Үнтаспадан судың сылдыры естіледі.

Сылдырлайды мөлдір су,

Мөлдір суға қолынды жу.

Жуынсаң сен, әрдайым,

Таза бетін, маңдайың,

Тазалықтың досы -

Су дегеніміз осы.

ІІІ. Негізгі бөлім:

«Су» тақырыбында әңгімелесу.

Балаларға ыдыстағы суды көрсетіп, оның қасиетіне тоқталып өтеді.

• Балалар, мынау не?

• Судың түрлі қасиеттері бар, мысалы су ағады, қар болып жауады, мұз болып қатады, теңіз болып толады.

• Мінекей, балалар, сондықтан да суды сиқырлы деп атаймыз.

• Суды иіскеп көрейікші, иісі бар ма?

• Иісі жоқ.

• Балалар су аққанда қандай дыбыс болады?

• Сылдырлаған

• Су қандай?

Суды шыны ыдысқа құйып, ыдыстағы су арқылы бір затты көруді ұсынады.

• Зат көріне ме?

• Су мөлдір, заттар көрінеді.

• Су құйылады, су сұйық.

• Балалар, суды ұнемдеп пайдалану керек. Барлық тіршілік иелері суды қажет етеді. Адамдар, жануарлар, өсімдіктер, жәндіктердің бәрі де сусыз өмір сүре алмайды.

• Су мөлдір, иіссіз, сұйық зат.

Тілді жаттықтыру

У-у-у - мөлдір су

Ойыны: «Батады-батпайды»

Шарты: Балалардың қолдарына екі зат беріледі, қай зат суда батады - батпайды айту керек.

• Тамаша

Ойыны: «Шариктерды кім, тез аулайды?»

Шарты: Су құйылған ыдыста көп шариктер бар, балалар тесік қасық арқылы шариктерды аулайды.

• Жарайсыңдар

ІІІ. Сергіту сәті:

Толқындар толқиды бір,

Толқындар толқиды екі,

Толқындар толқиды үш,

Толқындар орындарында тоқтаңдар.

</<img src="/prepod/_bloks/pic/kveavti-007.jpg" align="left" hspace="12" width="140" height="106" border="0" alt="Тренинг «Арнайы білім берудегі М. Монтессори педагогикасының балаларға айналадағы заттық орта туралы түсініктерін қалыптастыру» тақырыбы: «Таң қалмаңыз»">

Ойыны: «Суды бір ыдысқа екінші ыдысқа құю»

Шарты: Балалар суды бір ыдысқа екінші ыдысқа құю - поролон губка және резинке груша арқылы.

Ү. Қорытынды

• Осы ойындар арқылы балалардың зейіні, есте сақтау, көру және ойлау қабілеттері дамиды.

ҮІ. Қоштасу шеңбері: «Бізде кім жақсы?»

Балалармен шеңбер бойымен отырып, «Бізде кім жақсы?» деп әр баланың атын айтып, қайталайды.

• «Біздің Камила жақсы қыз, біздің Камила әдемі қыз!»

Бала «Сау бол» деп , шырақты үрлеп сөндіреді.