Биология пәнінен сабақта қолданылатын дидактикалық материал

Гүлшоғырлар

Гүлшоғыр-гүл шығаратын өркенде белгілі ретпен орналасатын ұсақ гүлдер тобыЖай гүлшоғырлар

Шашақ-жеке гүлдері орталықтан таралатын, сабаққа гүл сағақтары арқылы кезектесіп орналасады, сабақ ұшына жақындаған сайын сағақтар қысқарады, ұшындағы гүлі ең соңғы ашылады:қарақат, қырыққабат, мойыл, мия, қараған, шеңгел, асбұршақ, жабайы бұршақ

Жай масақ-шашақ гүлшоғырына ұқсас, айырмашылығы-гүлдері сағақсыз бекінеді

Собық-масақ гүлшоғырына ұқсас, айырмашылығы-орталық негізгі сабағы жуан және жамылғы орам жапырақтары бар: жүгері, калла

Жай шатыр-негізгі сабағы қысқарады. Оның дәл ұшынан сағағы ұзын біркелкі шоғырланған бірнеше гүлдер бір жерден шығып таралады:пияз, адамтамыр, наурызшешек, ақшұнақ

Шоғырбас-қысқарған жуан негізгі сабаққа сағақсыз гүлдер топтанып тығыз орналасады:беде.

Себет-гүлшоғыры қысқарған әрі жалпақ. Жуан негізгі сабаққа ұқсас гүлдер орналасады:күнбағыс, бақбақ, өгейшөп, гүлкекіре

Күрделі гүлшоғырлар

Күрделі шашақ(сыпыртқы)-негізгі сабақтан бұтақтанып, гүлдері екі қатарда шашақталады. Жанама бұтақтануы ұшына жақындаған сайын кішірейеді:жүзім, гүлшетен, тары, күріш

Күрделі масақ-орталық сабаққа бірнеше жай масақша гүлдер топтанады.Әр масақшада 2-3 гүлден болады:бидай, қарабидай, бидайық

Сырға гүлшоғыры-негізгі орталық сабағы иілгіш, гүлдеп болған соң тұтас үзіліп түседі: қайын, терек, тал, көктерек

Күрделі шатыр-жай шатыр гүлшоғырынан құралады:сәбіз, балдырған, аскөк