КҮЗ – БЕРЕКЕ, КҮЗ – МЕРЕКЕ

22.10.2016 жыл КҮЗ – БЕРЕКЕ, КҮЗ – МЕРЕКЕ (ашық тәрбие сағаты)

Мақсаты: Оқушылардың шығармашылық қабілеттерін, қызығушылықтарын арттырып, белсенділіктерін дамытып, ұйымшылдыққа, достыққа, жауапкершілікке тәрбиелеу. Оқушылардың күз туралы білімін кеңейту, ұштастыру. Оқушыларды табиғатты аялауға, өз өлкесін сүюге, еңбек адамдарының еңбегін қадірлей білуге тәрбиелеу, оқушылардың тіл байлығын дамытып, ой-өрісін, ойлау қабілетін арттыру.

Благодаря этой рекламе сайт может продолжать свое существование, спасибо за просмотр.

Армысыздар, құрметті ата-аналар, Бармысыздар, жадыраған ұстаздар! Берекелі Алтын күз құтты болсын!

Қош келдіңіз көрермен,  Отырыңыз қол соғып, «Алтын күз» кешіне.  Шат күлкіге бөлене.

Бүгін, міне, қуандырып біздерді, Берекелі күз келді, мерекелі күз келді!  Күзді қарсы алайық!

Сәлем, өрен достарым,  Қымбатты сый алыңдар, Өмірге көп қосқаным.  Молайтыңдар шаттықты, Ән айтыңдар бақытты!

Көбейді құт - береке,  Құтты болсын мереке, Астық толы қоймамыз.  «Алтын күзді» тойламыз!

Өнім үйіп тастадық,  Берекелі алтын күз, Оқуды да бастадық.  Ашық болсын аспаның!

Береке, бақ дарыған - Жомарт көңіл жарқын күз. Сары алтынға малынған  Жетті міне Алтын күз!

Алма, алма дейсің, Алма әкелсем жейсің. Айтпады екен деме, Алманы жумай жеме.

Келістіріп бар сәнін, Берген өзі табиғат. Алтын күзді ал енді, Қарсы алайық, жамағат!

Жүзім, алма жинаймыз, Алтын мақта тереміз. Үлкендерді сыйлаймыз, Көмектесіп бәріміз.

Қазан болды молшылық, Дәулет қорын қалады. Жарқырады жарқын күз, Келді, міне Алтын күз!

Қандай өзі береген, Алмасын-ай, алмасын! Жемісі көп не деген, Жеп тауыса алмайсың.

Күз жеткенше тамылжып, Дастарханнан табылдың. Мына бізден жасалар, Қауыпқақ пен қауынқұрт

Мен алмұртпын, алмұртпын. Аузындамын бар жұрттың.

Жемісі мол теретін, Күз дос екен бізбенен Бәрін тауып беретін, Жомарт екен күз деген.

Барлығыңды қимаймын,  Бір айға нәр бір демім, Барымды мен сыйлаймын.  Өздеріңмен біргемін

«Жемістер» «Астықтар» «Көкөністер»

Кештің шартымен таныстырайын: 1. Таныстыру 2. Өз өнерлерін көрсету(1ән, 1 би немесе 1күй) 3. «Ойлан, тап!» жұмысы (мұнда әр топ үш жұмбақтан жасырады) 4. «Сұрақ-жауап» 5. Сурет және қол еңбек көріністері, «Күз» туралы суреттерді пайдаланып, әр топ постер жасайды 6. Үй тапсырмасы. «Күз – береке, күз - мереке» тақырыбына әр топтан 1 шығарма.

1. «Таныстыру» «Көкөністер» тобы Бақшамызда өседі, Керек тағам деседі. Бар қызыл, көк, сарысы Ащы-тұщы бәрісі.

Болса да ащы, Дәмді етер асты. Өседі ол жерге, Тығып алып басты.

Көкөніс бұл қалаулы, Жасамас онсыз Палауды. Кім бар сәбіз шырынын Жастайынан ішпеген? Mені жеген адамдар Кем болмайды күшке де!

Ақ түсім бар қант алар, Қызыл түсім - қанға нәр. Ал, балақай біліп қой, Қызылшамын пайдам бар.

«Жемістер» тобы Мен - алмамын, алмамын Таңдай татар бал дәмім Мына тәтті бал-дәмді Дастарқандарыңа арнадым

Мен шиемін, шиемін, Күннің көзін сүйемін. Қышқыл шырын менде бар, Төмен басты иемін.

Жапырақта тасалап, Өскен жері бақша – бақ. Күрең қызыл шіркін –ай, Оның аты- құлпынай.

Жүзім пісті бір-бірлеп, Үзіп мәзбіз біз енді. Қоңырауы күмбірлеп, Қыркүйекте күз келді.

«Астықтар» тобы Егін елді жинайды, Қырманға деп қоймайды. Алтын астық айнала Далама менің сыймайды.

Жүгері жүгері сен келдің, Өзіңмен бақыт әкелдің. Сені көрген адамдар, Бас салып жей береді.

Астықты алқап - мақтаным, Қамбамызда қап-қап ұн. Қасиетті ұн мен нан, Жасалады бидайдан.

2. «Өз өнерлерін көрсету»

3. «Ойлан, тап!»

Бір шар бар кіріп шығар есігі  жоқ, Су ішер, нан жемейді, тамағы тоқ. Ішінде көп балапан етер мекен, Ас қылып сойып жесең балдай екен.

Жаздай інге тығылып, Жатқан қызыл түлкіні Құйрығынан суырып, Әкелді әжем бір күні.

Үлкендігі алмадай, Сырты жанған қызыл от, Ішін жарып  қарасаң- Майда , майда қызыл шоқ.

Жер астында ақбоз ат, Терісі бар он қабат. Жалынан ұстап соярсың, Жей бастасаң жыларсың.

Іші толған шәрбәт, Дәмі қандай әйбәт. Үзесің бірден жүзін Оның аты - ........

Дөп-дөңгелек сары, Ішінде бар дәмі. Қызығасын көріп Оның аты - ..............

4. «Сұрақ-жауап»

5. Үй тапсырмасы. «Күз – береке, күз - мереке» тақырыбына әр топтан 1 шығарма.

6. Сурет және қол еңбек көріністері, «Күз», «Көкөністер», «Жемістер», «Астықтар» туралы суреттерді пайдаланып, әр топ постер жасайды

Ойын: “Экологиялық пирамида” ( Қорытынды)

Рахмет, достар, өнеріңе! Талмай еңбек етіңдер, Уақыт өтпес тірліксіз, Қыстан аман өтіңдер. Бақыт келмес бірліксіз.

Назарларыңызға рахмет!