Конспект урока по крымскотатарскому языку 1 класс Ь йымшакълыкъ ишаретини ифаделеген арифни язув

ДЕРС № ____

Мевзу: Ь йымшакълыкъ ишаретини ифаделеген арифни язув. Ь йымшакълыкъ ишаретинен сёзлер, джумлелер язув. «TИЛЬ», «КОЛЬМЕК» сёзлерни талиль этюв. Hуиукъ инкишафы. Ресимнен чалышув

Макъсат: Ь йымшакълыкъ ишаретини язмагьа огретмек. Сес-эджа талиль къабилиетлерини мукеммелештирмек. Нутукъ инкишафы. Дикъкъат, гъайрет, язувда джыйнакълыкъ тербиелемек.

Дерснинъ донатмасы: язув дефтери, ресимлер, джедвеллер, арифлернинъ нумюнеси, тахта.

Дерснинъ кетишаты.

1. Тешкилий дакъкьа.

2. Таянч бильгилерини актуаллештирюв.

1. Субет.

• Сонъки окъув дерсинде не огрендик?

• Айтынъыз, бизге йымшакьлыкъ ишарети неге керек?

2. Метин узеринде чалышув.

Бизим тувгъан тилимиз - къырымтатар тили. Къырымтатар тили зенгин ве дюльбер. Бу тильде Ашыкъ Умер газеллерини яратты. Номан Челебиджихан «Ант эткенмен» шиирини язды. Биз озь ана тилимизни севемиз.

• Теркибинде ь йымшакьлыкъ ишарети олгъан сёзлерни бельгиленъиз.

• Метин не акъкъында? «Тиль» сёзюни талиль этинъиз ве схемасыны тизинъиз

3. Дерснинъ мевзусыны ве макъсадыны еткизюв.

4. Яньы мальземени анълатув,

1. Ь йымшакьлыкъ ишаретининъ язылувыны талиль этюв ве анълатув.

Йымшакьлыкъ ишарети ь бир элементтен ибарет. Иш сатырнынъ усттеки сызыгьындан язмагъа башлаймыз, ашагъа авукъ таячыкъ алып барамыз. Иш сатырнынъ ашадаки сызыгъына токъунамыз, сагъ тарафкъа тёгереклеп, тёпеге котерилемиз. Иш сатырнынъ орталарында сол тарафкъа тёгереклеп, язылгъан таячыкънен багълаймыз.

Бойле тактнен языла: «Бир-ве-эки».

2. Пармакълар гимнастикасы.

</

Меним къорантам

Бир, эки, учь, дёрт!

Бизим эвде ким яшай ?

Бир, эки, учь, дёрт, беш... -

Эписини сайарым:

Бабам, анам, къызкъардашым ве агъам,

Ана-мышыкъ ве эки балалары,

Мен, чырлакъ ве къанарым

- Мына меним къорантам!

3. Мустакъиль язув.

4. Эджалар язув.

5. Дефтердеки вазифелернен чалышув.

«ТИЛЬ», «КОЛЬМЕК» сёзлерни талиль этюв.

3. Тиль, тель, кольмек сёзлерни тахтадан кочюрип язув.

4. Физдакъкъа.

5. Имля усулында джумле язув,

Анам дюльбер кольмек тикти.

3. Нутукъ инкишафы.

Ресимге эсасланып икяе тизюв.

3. «Учь» ве «уч» сёзлерни рус тилине терджиме этюв Йымшакълыкъ ишарети не ичюн керек олгъаныны менимсеме.

V. Дерснинъ нетиджеси.

• Насыл арифнен таныш олдыкъ?

• Бизге инджеритюв ишарети неге керек?