Урок по начальным классом на тему Қайталау (2 класс)

Байдуллаева Шарипа Тажиғалиқызы -

Маңғыстау облысы, Ақтау қаласы,

№13 мг бастауыш сынып мұғалімі

Математика

Тақырыбы: Қайталау

Мақсаты:
1. Бір таңбалы сандармен амалдар орындауда, бір амал шығаруда, оларды бір-бірімен салыстыра білуде оқытудың жоспарланған нәтижелеріне қол жеткізу.

2. Алгебраның және геометрияның элементтерімен, шамалар және оларды өлшеумен байланысты білімді, кесінді салуды орындау біліктері мен дағдыларын дамыту.

3. Ойлау, есептеу шапшаңдықтарын арттыру, математикалық тілде сөйлеп, пәнге қызығушылығын арттыру.

Көрнекілігі: Есеп құрауға мазмұнды сурет, қысқаша шарты, карточкалар, асықтар, «Математика-барлық ғылымның атасы» деп жазылған плакат, т.б.

Сабақтың түрі: Ойын сабақ.

Жүрісі

І. Ұйымдастыру бөлімі.
Жұмбақтар шешу.

1. Қабат-қабат қаптама,
Ақылың болса аттама.
(Кітап)
2. Аяғы біреу, қолы жоқ,
Шиыр-шиыр жолы көп.
Өзі сөйлей білмейді,
Салған ізі сөйлейді.
(Қалам)
3. Жазу жазып жалықпаған,
Жаза-жаза арықтаған.
(Бор)
4. Жоқ өзінде бас та, қас та, мойын да,
Ұзындығы жазулы тұр бойында.
(Сызғыш)

ІІ. Өтілгенді қайталау.
1) «Сақиналы салмақ» ойыны. Математикалық сұрақтарға жауап алу.
1. Қосудың компоненттерін ата.
2. Азайтудың компоненттерін ата.
3. Қосудың қасиетіне қатысты ереже.
4. Бір таңбалы сандарды ата.
5. Нөл қандай сан?
6. Бұрыштың қандай түрі бар?
7. Төртбұрыштың элементтерін ата.
8. 6 санының құрамын айт.
9. Есеп неше бөліктен тұрады?

2) «Мен қандай сан ойладым?»
1. Мен бір сан ойлап, оған 2-ні қосып едім 10 шықты. Мен қандай сан ойладым?
2. Мен бір сан ойлап, одан 4-ті азайтып едім, 3 шықты. Мен қандай сан ойладым? т.б.

3) «Қай сан түсіп қалды? Сандар қатарын қайталауға» (Ауызша)
1. 1 2 3 ... ... ... 6 7 8 9 10
2. ... ... ... 4 5 6 7 8 9 10
3. 1 2 3 4 5 6 ... ... ... 10

- Міне, балалар, аз да болса өтілген материалдарды есімізге түсірдік. Себебі, бүгінгі сабағымыздың тақырыбы қайталау. Ал мақсаты математикалық білімімізді әр түрлі тапсырмалар орындау арқылы одан әрі жетілдіру.

ІІІ. Жаңа сабақ.

- Бәріміз оқулығымыздағы №1есепке қараймыз. Екі есепте оқылып, талданады. Қысқаша шарты жазылып, дәптерге шешуі мен жауабы жазылады.

1) Нұржан - 7

? гүл Шешуі: 7+3=10
Гүлжан - 3 Жауабы: 10 гүл.

2) Нұржан - 7 Шешуі: 7+3=10
Гүлжан - ? 3гүл артық Жауабы: 10 гүл.

Екі есептің шарты, сұрағы, шешуі, жауабы салыстырылады.
Шарты әр түрлі.
Сұрағы да әр түрлі.
Жуаптары бірдей.

- Балалар, Нұржан мен Гүлжан аналарына не себепті гүл сыйлады деп ойлайсыздар?
- Анасының туған күні шығар.
- Анасының төл мерекесі шығар.
- Ойларыңыз дұрыс. Біз анаға күнде гүл сыйласақ та артық етпейді. Себебі, ана бізге жарық өмір сыйлады, ақ сүтімен асырады. Бірақ біздің күнде гүл сатып алатын ақшамыз жоқ.
- Гүлдің орнына күнде не сыйласақ болады?
- 5-тік баға.
- Қане, мына қып-қызыл «5»-тікті кім алып, анасын кім қуантқысы келіп отыр. Ол үшін «5»-тік бағаның бізге берер күрделі тапсырмалары бар.

1. «5» Сурет бойынша есеп құра,
2. «5» Өрнектер бойынша есеп құра,
3. «5» Қысқаша шарты бойынша есеп құра.

А. - 4
?
М. - 3

ІV. Сергіту сәті.

Иіл солға түзу тұр,
Иіл оңға түзу тұр.
Алға қарай бір адым,
Артқа қарай бір адым,
Жоғары - төмен қарайық,
Орнымызды табайық.

«Хан талапай» ойыны.

Алақай-ау, алақай
Табылды ойын талапай.
Асықты алға шашамыз,
Талапайға басамыз.

Әр оқушы алған асығының нөмірі бойынша карточкаларды алады.
№2 тапсырма.
4 > , 4 > , 4 > , 4 >

Тақтаға, дәптерге орындалады.

- Балалар, біз қандай геометриялық фигураларды білеміз?

- , , , , , , , т.б.

«Фигура құрастыр» ойыны. Әр бөлігінің артында 4 сұрақ бар.
1. Кесінді деген не?
2. 1 дм-де неше см. бар?
3. Ұзындықтың өлшем бірліктерін ата.
4. Кесіндіден қандай фигуралар құрастыруға болады?

№3 тапсырманың шартын оқып, дәптерге кесінді сызу.
5см.-ден қысқа, 2 см.-ден ұзын кесінді сыз.
1. 4 см.
2. 3 см.

- Балалар, қазір қай мезгіл? - Қыс. «Қыс» туралы кім өлең шумағын біледі?
Абай «Қыс» немесе басқа өлең оқылады.
- Қыс тақырыбына кім әңгіме құрай алады?
- Әңгіме құрау.
Аңдарға қыста қорек табу қиын.
Ойын «Тиінге көмек».
Саңырауқұлақтағы өрнектердің мәнін тауып, тиісті себетке сызық арқылы қосу.

Ойын «Үндемес». Карточкадағы өрнектердің мәнін тек қана жауабын жазу. Болғасын оқушыға оқытып, тексерту.

V. Қорытындылау. «Бұр не?» ойыны. Ма-те-ма-ти-ка - барлық ғылымның атасы. Осы қанатты сөздің бетіндегі тапсырманы оқып, оның не екенін айтады.

6>1 3>5 3=3 2=5 5+4 3-1 Қ. - 4
?
7<9 9<1 5=5 1=7 2+0 10-2 А. - 1

Адам баласына есепті жақсы шығару аса маңыздылықты қажет етеді. Себебі, әрбір минутымыз, әрбір күніміз, киетін киімімз, ішетін тамағымыз бәрі-бәрі есеппен байланысты. Сондықтан да есепке жүйрік болайық

VІ. Бағалау. Көңіл-күйі үш түрлі адамның сұлбасы ілінеді. Қуанышты, күліп тұрған, ренжіп тұрған. Әр оқушы өзін-өзі бағаламайды. «5» алдым десе қолындағы суретті қуанып тұрған адамның тұсына, «4» алдым десе күліп тұрған адамның тұсына, «3» алдым десе ренжіп тұрған адамның тұсына іледі. Оқушы ойын тыңдау.

VІІ. Үйге тапсырма: №4 тапсырма. Қайталау.