Урок коми-пермяцкой литературы по теме С. А. Федосеев «Номмез»

4 класс

Коми-пермяцкöй литература сьöртi урок

Тема: С.А. Федосеев «Номмез»

Велӧтісь Селина Ольга Николаевна

Тема: С. Федосеев «Номмез»

Мог: тöдсöтны С. Федосеевлöн висьтöн.

Планируйтöм результаттэз

Личностнöй:

- зорöтны навыккез группаын уджалöмын; донтны ассис удж, сетны уджлӧ оценка.

Предметнöй:

- зорöтны лыддьöтан навыккез горöн и аскöття;

- кужны кывзыны лыддьöтöм произведеннё и вежöртны главнöй дума;

- кужны самостоятельнöя уджавны сетöм заданнёэз сьöртi;

- зорöтны устнӧй сёрни.

Метапредметнöй:

Регулятивнöй - сувтöтны задачаэз ас одзö, видзны энö задачаэсö тöдвылын; сетны оценка тöдöммезлö да кужöммезлö;

Познавательнöй - кужны самостоятельнöя уджавны сетöм информацияöн; адззыны очакыв юасьӧммез вылӧ, паськöтны тöдöммез вöр-ва йылiсь;

Коммуникативнöй - кужны уджавны группаын, кывзыны ёрттэзöс, доказывайтны ассиныс мненнё коллективын

Уроклöн тип: комбинированнöй

Урок вылын удж: фронтальнöй, индивидуальнöй, групповöй.

Оборудованнё: заданнёэзӧн карточкаэз, пластилин, карандаш, бумага серпас понда, мотыль дозокын, компьютер, проектор.

Уроклöн технологической карта

Уроклöн виззез

Велöтiсьлöн удж

Велöтчиссезлöн удж

1.Класс öвсьöтöм

Проверитны, кыдз челядь лӧсьӧтчисӧ урок кежӧ.

Панталӧ челядьӧс, кӧсйӧ бур удж.

Неыджыт физзарядка:

-Нюжöтчам, кыдз кань нюжöтчö.

-öвтыштам киэзöн, кыдз бабыв бордоккезнас öвтö.

- Чеччалыштам, кыдз кöччез вöрас чеччалöны.

Кöсйö öтамöдлö урок кежö быдöс бурсö.

Сувтӧны, панталӧны велӧтісьӧс.

Керöны физзарядка.

Кöсйоны öтамöдлö бур удж.

2. Тöдöммез актуализируйтöм.

- Гортын тi асьныт гижит сказкалiсь пом. Лыддьöтö лöсьöтöм сказкаэзнытö.

- Кинлöн сказкаыс медӧддьöн гленитчис?

Лыддьöтöны лöсьöтом сказкаэз, сетöны уджлö дон.

3. Урок тема вылӧ петӧм. Проблема да уроклiсь моггез сувтöтöм.

- адззыны граница тöдса да нетӧдса материал коласын;

- туйдӧтны удж вылӧ виль тема сьӧртi

- Тöдсасям виль висьтöн, кöдö гижис С. Федосеев.

- Но… Урок вылö ваи дозок. Охота тöды, мый сэтöн?

Унажыкыс тiян коласiсь висьталасö: «Фу!» Но эмöсь морттэз, кöдна этö босьтöны сьöм вылö. Эшö сiя, мый эстöн эм, гöрд рöма и шогмö ваын. И сiя йитсьö сыкöт, мый ми пондам веöтны урок вылын. Интересно тöдны мый эстöн?

Урок помын тi асьныт висьталат, мый дозокас и кинлö сiя колö.

Думайтöны, мый вермас признаккез сьортi лоны дозокын?

102 листбок сьöртi удж

- Кытшöм висьт пондам лыддьöтны?

- Кин сiйö гижис?

- Видзöтö серпас. Мый йылiсь висьтыс?

- Кытшöм моггез сувтöтам?

(Моггез гижны доска вылö)

- Пондам велöтчыны думайтны, рассуждайтны, вежöртны лыддьöтöмсö, кылöмсö и адззылöмсö. Поди талун кылат и тöдат сiйö, мый некöр эд тöдлö и веритат сэтчо, кытчо некор эд веритлö.

Сетöны очакыв велöтiсь юасьöм вылӧ.

Сувтöтöны моггез:

- Бура лыддьöтны.

- Вежöртны лыддьöтöмсö.

- Сетны очакыв юасьöммез вылö.

- Думайтны.

- Тöдны мыйкö вильö.

4. Тема сьöртi удж. Виль тöдöммез осьтöм.

- тöдсасьны текстöн, кужны кывзыны лыддьöтöм произведеннё, сетны очакыв юасьöммез вылö и вежöртны главнöй дума

Лыддьöтö текст.

Сёрнитöм текст сьöртi

- Гленитчис ли эта историяыс?

- Кин висьтасьö этö случайсо?

- Кöр и кытöн мунö действиеыс?

- Мый тiянöс дивуйтiс эта висьтын?

- Кысь петiсö номмез тöвся мороза лунö?

- Кыдз автор баитiс номмезкöт?

- Мый чувствуйтiс сiя эна номмез дынö?

- Вермис ли автор керны мыйкö ны понда?

Сьöрсьöн-бöрсьöн лыддьöтöм.

Сетöны очакыв велöтiсь юасьöммез вылӧ.

Рассуждайтöны, висьталöны ассиныс мненнё.

Лыддьöтöны текст горон.

- Мый вильсö тöдiт эта висьтiсь номмез йылiсь?

- Мый тi эшо тöдат эна насекомöйез йылiсь?

- А мый охота тöдны эшö?

- Тiянлiсь юасьöммез ме öтлаöтi, содтi ассим юасьоммез да гижи нiйö листбок выло. Мед сетны ны вылö очакыв, пондам уджавны группаэзöн.

- Уськотö тöдвылö, кыдз колö уджавны группаын?

Группаэзлöнудж:

1 да 2 группаэз. Листбок вылын сетöм висьт номмез йылiсь научной сведеннёэзöн. Отiк лыддьöто, мöддэс кывзöны. Сыбöрын уджалат мöд листнас, кытон сетöмась юасьоммез. Лыддьöтат юасьöмсö, очакывсö кошшат висьтись, рассуждайтат. Бур, вермат ко сетны очакыв быдöс юасьöммез вылö. (приложннё 1)

3 группа. Мыччаласö номöс пластилинiсь, позьö керны серпас.

4 группа. Уджалö компьютер сайын - лöсьöтö сообщеннё презентация сьöртi. (приложеннё 2)

Сетöны очакыв велöтiсь юасьöммез вылӧ.

Висьталöны тöдöммез асланыс оланiсь.

Висьталöны, мый эшö охота тöдны.

Пуксьöны группаэз сьöртi.

Уськотоны тöдвылö правилоэз, кыдз колö уджавны группаын.

Самостоятельной удж группаэз сьортi.

Сообщеннёэз группаэз сьортi

1 да 2 группаэз сеталöны öтамöдлö юасьöммез да сетöны очакыв ны вылö

3 группа мыччалö ассиныс удж.

4 группа висьтасьöны номмезлö памятниккез йылiсь

6. Рефлексия.

Проверитны виль тöдöммезлiсь качество.

- Ме тöда, что виль тöдöммез тi вермат сетны ёрттэзлö, ошшасьны нiйöн да дивуйтны нiйöн аймамнытö.

- Дивуйтö öтамöднытö асланыт тöдöммезöн - висьталö одзлань этö сёрникузясö: «А тi тöдат, что…»

- Кин тöдö, мый куйлö дозокас?

- Кытон нiя шогмöны?

- Мыйла нiйö мукöдыс небöны магазинiсь?

- Кытшöм польза сетöны номмез?

- Мый лоас, если öшасö номмез?

Висьталöны пондöтöм сёрникузясо одзлань.

Дозокын - номлöн личинкаэз (мотыль).

Видзöтоны личинкаэз, уськöтöны тöдвылö, кытiсь адззывлiсö, кин нiйö небö магазинiсь сьöм вылö.

7.Итог урок сьӧртi.

Сетны дон аслас уджлö.

-Кинлö висьталат аттьö урок вылын удж понда?

Сетöны дон урок вылын уджлö.

8. Гортся удж.

Аркмотö висьт «Мый ме тöда номмез йылiсь», мастеритö номсö пластилинiсь.

Приложеннё.

Номмез йылiсь.

Ном - ассяма насекомöй. Ассис джын олансö сiя чулöтö ва дорын, руын да му вылын. Самкаыс (мам номыс) тэчö учöтик кольтёккез тыись шоныт ваö. Вермö кольны кольттесö и ваöн тыртöм ведраö, бачокö, тазö, кöдна гожумöн сулалöны горт гоöгöр. Неделя бöртi кольтёкись петö учотик гагок. Сiя лэбтiсьо ва вевдöрö и öшалö онняюрöн ва пытшкас, бöжокыс - ва вевдöрас. Гагок-личинка быдмö, пöртчӧ куколкаö, а сыборын - номö.

Номмез олöны 2-3 неделя, а вермöны и 115 лун, если шоныт и эм сёян. Номмез курччасьöны, но не быдöнныс. Курччасьöны только самкаэз (маммез). Нылö вирыс колö, мед тэчны кольттез, чужтыны виль номмезöс. Самеццез (айез) сёйоны дзоридззезiсь нектар.

Мыйöн пиксо ном? Пиксöмыс аркмö бордоккезöн чожа öвтöмсянь. Öтiк секундаö ном вермö öвтыштны бордоккезнас пятьсотiсь.

Му шар вылын номмез олоны быдлаын. Оз позь нiйо пантавны только Антарктидаын.

Тöвйöны номмез пу кач увтын, кос турунын, нораэзын, пещераэзын, пу вужжез увтын. Вермасö сайласьны джоджулын, шоныт гиддэзын.

Номмез вайöны и польза, и вред. Самкаэз курччасьоны и сiдз новйöтöны шогöттэз. Природалö номмезсянь эм ыджыт польза. Личинкаэсö сёйоны чериэз. Номмесö куталöны кайез.

Сетӧ очакыв эна юасьӧммез вылӧ:

1. Мыля номмез олӧны матын ва дынын?

2. Мыля курччасьӧны только самкаэз?

3. Кыдз аркмӧ пиксан шы?

4. Мыля Антарктидаын оз олӧ номмез?

5. Позьӧ ли гортын тӧлӧн пантавны номӧс?

6. Кытшӧм польза вайӧ ном?

7. Мый позьӧ керны, мед етшажык пессьыны ном курччалӧмсянь?