ӘДебиеттік оқу пәніне 4 сыныпқа арналған сабақ жоспары 'Аққу, Шортан, һәм Шаян

Сыныбы 4 Әдебиеттік оқу

Тақырыбы: Аққу, Шортан һәм Шаян. И.А.Крылов, аударған А.Байтұрсынұлы

Сабақтың мақсаты:

1. Мысал мазмұнын өмірмен байланыстыра талдау арқылы идеясын түсінуге мүмкіндік жасау

2. Шығармашылық жұмыстарды оқушының таным деңгейін көтеру, тілін, сөздік қорын дамыту мақсатында пайдалану, талдау тапсырмаларды өмірдегі жағдайларға сай қолдана білуге дағдыландыру

3. Бірлік, келісім, ынтымақ туралы түсініктердің маңызын ашуға мүмкіндік беру

Сабақта қолданылатын стратегия: РАФТ, СТО, «Семантикалық карта»

Сабақтың типі: жаңа материалды меңгерту сабағы;

Сабақтың түрі: аралас, жаңа білімді меңгерту.

Сабақтың әдістері: әңгімелеу, суреттеу, баяндау, көрнекілік, сұрақ-жауап, түсіндіру

Сабақтың көрнекілігі:

Пәнаралық байланыс: Дүниетану, қазақ тілі

Сабақ жоспары:

1-сабақ

№

Кезеңдері

Уақыты

І

Ұйымдастыру

3 минут

ІІ

Жаңа материалды меңгеру және зерттеу, жүйелеу

33 минут

ІІІ

Қорытынды

5 минут

ІҮ

Бағалау

2 минут

ҮІ

Үйге тапсырма

2 минут

Сабақтың барысы:

І Қызығушылықты ояту

Тақтаға немесе плакатқа маркермен жазылған, толықтыруды қажет ететін мақал-мәтелдер ілінеді.

1. Бірігіп көтерген .......

2. Бірлік......тірлік.......

3. Бөлінгенді...........жейді

4. Ырыс алды - ............

Мақал - мәтелдер бойынша топтарға бөлініп отыру

Әр топ өз мақалдарын толықтырып жазып, оқуға дайындалу

Сол мақал-мәтел бойынша ойларын жазу

Кіші топта талқылап, әр топтан ұнағанын сынып алдында дауыстап оқуға шығару

Осы мақал-мәтелдерді мағынасы қарап бір сөзбен қалай айтар едіңдер?

ІІ Мағынаны тану

Тақырып тақтаға жазылып, тапсырма беріледі. Автормен, аудармашымен таныстыру, қысқаша тоқталып өту.

1-топқа:

Мысалды іштей оқу

Мазмұнын әңгімелеуге дайындалу

2-топқа:

Мазмұнын түсініп оқу

Түсініксіз сөздерді теру

3-топқа:

Мазмұнын түсініп оқу

Өлең мазмұны бойынша қорытынды ой болатын шумақты іздеп табу

4-топқа:

Мазмұнын түсініп оқу

Сабақ басында жазылған мақалдар мен мысалдың байланысын түсіндіріп айту

Әр топқа мұғалім тосын сұрақтар дайындайды. Мысалы:

• Аққу, шортан, шаян жүкті неліктен үш жаққа тартады?

• Жүктің баратын жеріне жетпеуіне қайсысы кінәлі?

Сабақ басында жазылған мақал-мәтелдерге қайталап мән беру арқылы мысал идеясын ашуға талпындыру.

• Мысалдың тілі мен мазмұны оқуға қиындық келтіруі мүмкін бе?

ІІІ Ойтолғау

1-топ - Жоспар құру

2-топ-мысалды суретпен бейнелеу

3-топ- өмірмен байланыстыру арқылы эссе жазу

4-топ-мысал туралы білентіндерін топтау арқылы түсіндіру

Немесе:

• Бүгінгі тапсырмалар мен жұмыстарды сендер қалай орындайсыңдар?

• Бірігіп, ақылдасып, топпен, бір-бірімізге көмектесіп орындадық.

• Ендеше біріге отырып жұмыс жасаудың сендер үшін қандай жақсы, нашар жақтары бар екенін талдап көрейік. Оқушылардың ойлары тақтаға немесе плакатқа жазылады.

1.

2.

3.

Шығармашылық жұмыс

• Ертегіні сахналап көру

Сұрақ - жауап арқылы ертегінің идеясына тоқталып, сабақты қорытындылау

Сабақты бекіту:

• Біз бүгін қандай мысалмен таныстық?

• Неліктен олардың шаруалары жүзеге аспады?

• Қалай деп ойлайсыңдар, олардың істегендері дұрыс па?

Сабақты бағалау

• Бүгінгі сабақта Амир бес алды, себебі ол барлық тапсырмаларды жақсы орындап, үй жұмысын да орындап келіп, мұғалім қойған барлық сұрақтарға жақсы жауап берді.

Үйге тапсырма беру