[К-Ғ] дыбыстарын ажырату.Сабақ жоспары

Сыныбы: 2 күні 21.22.26 айы 01.2016 Логопед: Мауленова М.C

Сабақ жоспары

Сабақтың тақырыбы: [К-Ғ] дыбыстарын ажырату.

Сабақтың мақсаты:

Білімділік:

[К-Ғ] дыбыстарының айтылуын және артикуляциялық қалпын дамыту. [К-Ғ] дыбыстарын дұрыс айтуға, бір - бірінен ажыратуға үйрету.

Түзетушілік:

Оқушыларға «К», «Ғ» дыбыстарын жеке буында, сөзде дұрыс айтуын бекіту. Оқушының фонематикалық есту қабілетін, сөйлеуін дамыту, сөздік қорын көбейту. Жаңа сөздерді үйрете отырып, дыбыстық және буындық талдау жасауды үйрету.

Тәрбиелік:

Логопедті мұқият тыңдауға дағдыландыру, сабаққа деген қызығушылығын арттырып, тиянақтылыққа, ұқыптылыққа тәрбиелеу.

Көрнекі құралдар: [К]-[Ғ] әріптері, суреттер

Сабақтың барысы:

І. Ұйымдастыру кезеңі:

- Сәлеметсің бе!

- Қазір жылдың қай мезгілі? (Қыс)

- Бүгінгі сенің көңіл-күйің қалай?

- Бүгінгі сабағымыз қызықты өткелі отыр

Артикуляциялық жаттығулар

«Саңырауқұлақ» -ауызды кең ашып, тілді таңдайға жапсыра ұстап тұрып төменгі жақты басып ауызды кең ашып ұстау.

«Ат шауып келеді» - ауызды кең ашып тілді таңдайға жапсыру - айыру немесе таңдай қағу. Аталған жаттығулардан тек әр дыбысқа керекті жаттығулар алынады.

«Сылақшы» ауыз сәл ашық, тілді шығарып әуелі жоғарғы ерінді, сосын төменгі ерінді жалау. Бағытын өзгерте отырып 10-15 рет қайталау.

• ІІ. Жаңа сабақ: Суреттердің атын атап және алғашқы дыбысын анықта. (Суреттер: карта,кілт,көбелек, ғарышкер, т.б.)

• Суреттердің атаулары қандай дыбыстардан басталып тұр?

• [К] және [Ғ] дыбыстары.

• Олай болса, бүгінгі сабақта «к» және «ғ» дыбыстарын сөз және сөйлем ішінде ажыратамыз.

• К дыбысы:

• Ерін - күліп тұрады

• Тіл - астыңғы тістің түбіне тиеді

• Жел - жылы жел

• Ғ дыбысы:

• Ерніміз жай ғана ашылады

- Тіліміз астыңғы тістің түбіне тиіп жоғарғы таңдайға көтеріледі.

- Ауыздан жылы жел шығады

1.Тапсырма Фонематикалық қабылдауын дамыту

«Дыбысты ұста» ойыны

[с],[к],[з],[ғ],[ң],[з],[к],[л],[ғ].

2.Тапсырма.Буын арқылы ажырату.

ка-ға-ке ки-ғи-ға ака-ағу-ако

ғо-ке-ғе ко-ғу-ка оки-оғу-оку

3.Тапсырма.Буын мен сөз арқылы ажырату.

«Мен бастаймын,сен аяқта!» ойыны

Ка-ка-ка-карта ке-ке-ке-керік Кі-кі-кі-түлкі

Ға-ға-ға-ғарышкер ғо-ғо-ғо-қолғап ғы-ғы-ғы-шаңғы

III.Сергіту сәті

Қорытынды.

</ -Балалар, бүгін қандай дыбыстармен таныстық?

-Қандай дыбыстарды ажыраттық?

-Ажырату барысында біз нелер жасадық?

Үйге тапсырма беру: [К-Ғ] дыбыстарын ажырату.Сөздер жаз.