Воспитательный час на тему 'Дені сау ұрпақ-Қазақстанның болашағы'

Қожаберген жырау атындағы №6 орта мектеп

Дені сау ұрпақ-Қазақстанның болашағы

(ашық тәрбие сағаты)

Өткізген:Нугуманова Ж.С.

Петропавл қаласы 2015 жыл

І. Сөзжұмбақ шешу.

-Балалар, қазір мен сендерге сөзжұмбақ беремін.Осы сөзжұмбақтың шешуі біздің бүгінгі тәрбие сағатымыздың тақырыбы болады.

(сөзжұмбақ тарату)

-Денсаулық деген сөз шықты. Денсаулық деген не?

ІІ.Ассоциация құру.(слайд)

ІІІ. «Денсаулық» сөзіне түсініктеме беру.(слайд)

Денсаулық - адамның ең қасиетті де құнды, қайталанбас, жоғалса қайта орнына қиындықпен келетін, орны толмас асыл қазынасы. Біз осы жаңа ғасырдан күтер үмітіміз көп. Сондай-ақ қазіргі заманда адам ағзасына тиер залалы да жетерлік. Тірі ағзаға тиер экологиялық үш фактордың әсері осы таңда айтпаса да көзге шыққан сүйелдей болып көрініп тұрғаны анық.

Елбасымыз Н.Назарбаевтың "Қазақстан - 2030" бағдарламасында Қазақстан азаматтарымыздың ертеңі бүгіннен басталатынын көрсетсе керек.

Салауатты өмір салтының мақсаты - өмір сүрудің мағынасы терең екендігін білдіруде.

Басты байлық денсаулық екендігіне сіздердің көздеріңізді жеткізгіміз келеді.

• Үш топқа бөліну арқылы өз білімдерімізді ортаға саламыз.Топтар өздерін таныстырады.

Ітоп-Шымыр

ІІ топ-Денсаулық

ІІІ топ-Сымбат

ІV. Топтық тапсырма.

І топ-Қазақстандық спорт шеберлерін ата.

ІІ топ-Қысқы және жазғы спорт түрлерін ата.

ІІІ топ-Викториналық сұрақтар.

-Сочи олимпиадасына қатысып, жүлделі орын алған қазақстандық спортшы кім?

Денис Тэн (Слайд)

-Біздің сыныпта да спортпен шұғылданатын оқушылар бар.

(Таэквондо,каратэ,гимнастика көрсету)

-Спортпен шұғылданатын адамның денсаулығы мықты болады, көп жетістіктерге жетеді,жақсы жұмыс істейді,ұзақ өмір сүреді.

- Ал енді барлығың орындарыңнан тұрып, демалыңдар.

(Сергіту сәті «Қызыл өрік»)-слайд

V. Топтық тапсырма.

Ітоп-Адамның достарын және қастарын жаз.

ІІ топ- Ағашты безендіру.

ІІІ топ- Медициналық кеңес.

Топтық жұмысты тексеру:

ІІІ топ:

Сабина:Менің құпиям-тамақтануда.Дүние жүзінің барлық дәрігерлері адамның денсаулығына қауіпті тағамдарды анықтады.Ол мынау бесеуі:

1.Тәтті газдалған сусындар.Бір стақан сондай сусында 5 шай қасық қант бар.

2. Қуырылған картоп(чипсы).Онда түрлі қосындылар қосылған.

3.Шоколад.Оны бір жесең, жей бергің келеді.Оның құрамында көп мөлшерде қант бар.

4.Піскен шұжық. Олардың құрамында 40%ет пен май, ал қалғандары түрлі қоспалар.

5. Қуырылған ет. Мамандардың сөзіне сенсек, тағамды қуырған кезде ісік клеткаларын туғызатын зиянды канцерогендер пайда болады. Мұндай зиянды заттар жоғары температурада қуырылған еттің құрамында көп.

Шыңғысхан:Күн тәртібін сақтау. Күн тәртібін дұрыс сақтайтын адам барлығын үлгереді және тез шаршамайды.

Тұмарым: Кейбір адамдардың жасайтын жат қылықтары. Ол-темекі шегу, арақ ішу, нашақорлықпен әуестену. Мұндай адамдар өз денсаулықтарына және қасындағы ортаға да зиян келтіреді.Зиянды әдеттерден аулақ болыңдар.

Дариға: Стресс-күйзелу. Сабақ-стресс. Жол-стресс. Төмен баға алсаңдар,ата-аналарың ұрсады, бұл да стресс.Достарыңмен келіспей қалсаң-стресс. Осының барлығы адамның психикасына кері әсерін тигізеді.Ол үшін не істеу керек? Ол үшін-үй жануарларына қамқор болу керек, өсімдіктерді баптап күту керек. Би билеу керек.

( Даринаның орындауында «Қамажай» биі)

• Ән айту керек

( Мөлдірдің орындауында «Балдырған» әні )

-Ал ашу қысқан кезде алақанымызды бір-біріне уқалаймыз. Міне, былай.

VІ. Тест «Денсаулық баспалдағы» (слайд)

-Мынау ненің суреті? Баспалдақтың басқышы сандармен белгіленген және үстінде сөйлемдер жазылған. Сендер өздеріңнің денсаулықтарыңды қай басқышқа қоятындарыңды белгімен көрсетесіңдер.

VІ. Қорытынды.

-Әр адамның денсаулығы өз қолында. Біз де сыныбымызбен денсаулыққа көп көңіл бөлеміз. «Денсаулық» орталығымен тығыз қарым-қатынастамыз. Ол жерден біз өз денсаулығымызға пайдалы кеңес аламыз. Бүгін біздің тәрбие сағатымызға орталықтың маманы Жайық Ботақызы келіп отыр.Сол кісіге сөз берейік.

(Сөз беріледі)

-Тәрбие сағатымызды мына өлең жолдарымен аяқтайық.

Есірткі құрысын,

Ішімдік жойылсын.

Дені сау қазақтың,

Ұрпағы көбейсін.

Мәдениет өркендеп,

Табиғат көркейіп,

Қазақтың сымбатты,

Ұл-қызы көбейсін.