Бақылау жұмысы «Негізгі және қосымша топша металдары» 10 сынып

Бақылау жұмысы

Тақырыбы: «Негізгі және қосымша топша металдары»

І - нұсқа

1. Мына айналымды жүзеге асыруға болатын реакция теңдеулерін жазыңдар.

Li → Li₂O → LiOH → Li₂CO₃ → CO₂ → СaCO₃

↓

Li₃PO₄

2. Темір (ІІІ) оксидтері мен гидроксидтерінің формулаларын жазыңдар. Оларға қысқаша сипаттама беріңдер. Мына заттардың қайсысымен темір (ІІІ) гидроксиді әрекеттеседі: О₂, NaOH, CO₂, H₂SO₄, NaCl? Мүмкін болатын реакция теңдеулерін жазыңдар. Ион алмасу реакциялары үшін иондық теңдеулерді, ал тотығу - тотықсыздану реакциялары үшін электрондық баланс теңдеулерін жазыңдар.

3. Массасы 160 г 10% - тік мыс (ІІ) сульфатының ерітіндісіне батырылған темір тақташасында түзілген мыстың массасын есептеңдер.

4. Массасы 68,4 г сілтілік металл сумен әрекеттесіп 8,96 л сутек (қ.ж.) түзеді. Бұл қандай металл?

ІІ - нұсқа

1. Мына айналымды жүзеге асыруға болатын реакция теңдеулерін жазыңдар.

Fe → FeCl₂ → Fe(OH)₂ → Fe(OH)₃ → Fe₂O₃ → Fe₂(SO₄)₃

↓

NaFeO₂

2. Мырыш оксидтері мен гидроксидтерінің формулаларын жазыңдар. Оларға қысқаша сипаттама беріңдер. Мына заттардың қайсысымен мырыш гидроксиді әрекеттеседі: СаО, Н₂SO₄, КОН , СО₂, К₂SO₄ , Н₂О, NaОН, НСI? Мүмкін болатын реакция теңдеулерін жазыңдар. Ион алмасу реакциялары үшін иондық теңдеулерді, ал тотығу-тотықсыздану реакциялары үшін электрондық баланс теңдеулерін жазыңдар.

3. 20 г 10%-тік темір (ІІ) хлориді ерітіндісі мен 15 г 5%-тік натрий гидроксиді ерітіндісін араластырғанда түзілетін темір (ІІ) гидроксидінің массасын (г) есептеңдер.

4. 20г натрий гидроксиді мен 20г хлорсутек әрекеттескенде қанша грамм тұз түзіледі?